Tis beter van content te zien

Dialect – gedicht – dankbaarheid

Voor de verandering eens iets in het gekuischd Brugs

Ken een dak en zelfs vier meuren,

nen bedde met matrasse.

Iedere nacht kunne kik mezelven

te sloapen leggen zochte in mien kopkussen.

 

Ken een vint en drie kinders.

Ze maken om ter meest laweit.

Mo moestn ze der nie zien,

de stilte zou stief pijnlijk zien.

 

Ken veel familie. Vele, vele nichten. En een kozen.

Eigenlijk telt ie vor us bie de nichten.

Waarom zoume de name nichtenreünie ook veranderen voor éénen vint?

Maar kben zo blieje da ze der allemaal zien. Ook ol zien me mekoar nie vele.

 

Ken vele moaten die mie helpen,

at noadig is.

Ik wete da dat ze der vo mien zien.

Mo kmeuge toch ook wel ki zeggen dat ulder dankboar zien. En dak ze gèren zien.

 

Olsans komt dat were. Mo ken een hond, en ie wordt in olles meegesleurd.

Die beeste kan nie klappen, geen gezaag tegen miene kop.

Kmoen do vele mee no buiten, mo tis niet alleen ikke diet doen.

Azo krijgn wieder ollemoale op tijd een frisse wind in uze kop.

 

Mo weet je wat er eigenlijk best van ol is?

We loaten uze kop niet hangen, want we weten nie oe da dat moet.

Kga niet zeggen dat ikke een echte optimist ben. Mo tis een kwestie van deure te goan.

Zeker oj  de wind flakke in je tote et.

 

Tbluft nooit woaien in dezelfden hoek.

Advertenties

3 gedachtes over “Tis beter van content te zien

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit /  Bijwerken )

Google+ photo

Je reageert onder je Google+ account. Log uit /  Bijwerken )

Twitter-afbeelding

Je reageert onder je Twitter account. Log uit /  Bijwerken )

Facebook foto

Je reageert onder je Facebook account. Log uit /  Bijwerken )

w

Verbinden met %s